Viti 2020 ka rezultuar fatal me shifrat e larta të të infektuarve dhe numrin e lartë të pacientëve që nuk ia dolën dot mbanë nga covidin.
Deri më 31 dhjetor, 1181 persona kanë humbur jetën si pasojë e koronavirusit. Aktualisht të shtruar në spital janë 284 pacientë.
Në kohën kur ka patur shumë humbje jete, kemi marrë edhe lajme shpresëdhënëse. Në përditësimin që bën Ministria e Shëndëtësisë, njofton se 33.634 qytetarë ia kanë dalë që të mposhtin virusin vdekjeprurës.
Tirana është qyteti me vatrën më të madhe të infeksioneve, me konkretisht 13.547 persona, pasuar nga Fieri me 1632 dhe në vend të tretë Shkodra me 1289 të infektuar.
