Një 20-vjecar nga Britania e Madhe është arrestuar pasi u kap duke pështyrë disa artikuj ushqimorë në një supermarket.
I riu hyri në një dyqan në Bridport rreth orës 14.00 të premten, i veshur me një maskë në fytyrë dhe dorëza.
Më pas ai ka hequr maskën, ka lëpirë gishtat dhe ka nisur të hedhë pështymën e tij mbi artikujt ushqimorë.
Nuk dihet nëse i akuzuari kishte apo jo koronavirus, por veprimi i tij ka rrezikuar potencialisht shëndetin e blerësve të tjerë.
Më shumë se 47 mijë raste infektimi janë regjistruar në Mbretërinë e Bashkuar nga koronavirusi. Ndërsa 4,934 persona kanë ndërruar jetë nga ky virus.
Mbretëria e Bashkuar renditet e pesta si vendi me më shumë vdekje të regjistruara nga COVID-19, pas Italisë, Spanjës, SHBA-ve dhe Francës.
