Zyrtarizohet nga Junajtid, Ronaldo: Këtë klub e kam pasur gjithmonë në zemër

Kristiano Ronaldo është lojtari i ri i Mançester Junajtid. Ylli portugez do ta lidhë për dy vite me opsion zgjatjen edhe për një sezon tjetër.

Këtë lajm e ka bërë publike vetë klubi nga “Old Trafford”, të cilët e kanë bërë zyrtare me anë të një komunikate të publikuar në sajtin e tyre. Nga ana tjetër, Kristiano Ronaldo ka thënë fjalët e para si lojtar i ri i Junajtid:

“Mançester Junajtid është një klub që ka pasur gjithmonë një vend të veçantë në zemrën time, dhe unë jam mbingarkuar nga të gjitha mesazhet që kam marrë që nga njoftimi i së premtes.

Mezi pres të luaj në “Old Trafford” përpara një stadiumi të tejmbushur, dhe të shoh përsëri të gjithë tifozët. Mezi pres të bashkohem me ekipin, pas pauzës së kombëtareve dhe shpresoj që të kemi një sezon shumë të suksesshëm përpara”.