Prestigjiozja britanike “The Guardian”, i ka kushtuan një artikull të gjatë viktimave shqiptare që kanë rënë pre e trafikimit nga bandat mafioze. Duke u ndalur tek rasti i vrasjes së Silvana Beqirajt në Francë, ajo ka sjellë në kujtesë dhe trafikimin e dy tre vajzave të tjera shqiptare, shkruan Tirana Today.
Autoritete në vendin tonë thuhet se nuk kanë bërë shumë në këtë drejtim. Një zyrtar i Europol nga Evropa Perëndimorë, i cili ka një post të rëndësishme në Shqipëri është shprehur se: “Bandat që trafikojnë femra për qëllim prostitucionin janë disa nga më brutalët që kemi hasur. Edhe rusët kanë frikë prej tyre.”
Edhe pse në fund të viteve 1990, qeveria shqiptare filloi të pranonte se trafikimi i grave ishte një problem serioz. Ekspertët u sollën për të këshilluar se si të identifikojnë viktimat dhe të ndjekin penalisht autorët.
Përkundër përpjekjeve të tilla dhe miliona dollarëve të derdhura në zbatimin e ligjit kundër trafikimit, ai mbetet një problem serioz në rajonin e Ballkanit në përgjithësi dhe në veçanti Shqipërinë.
Statistikat e Agjencisë Kombëtare të Krimit tregojnë se në tremujorin e tretë të vitit 2017, shumica e vajzave dhe grave të trafikuara në Britani të Madhe ishin nga Shqipëria. Vëmendje e vogël i kushtohet krimeve të lidhura me trafikimin në Shqipëri, që do të thotë pak pengesë.
Në Shqipëri, ndëshkimet ndaj viktimave të trafikimit janë aq të ashpra sa ato janë bëtë të zakonshme. Organizatat antitrafik dhe policët tregojnë tregime të zymta për torturën e shkaktuar ndaj vajzave dhe grave që përpiqen të arratisen.
Një viktimë 20-vjeçare, e cila u largua për të zbuluar se ishte shtatzënë me një nga burrat që abuzoi, u gjet dhe u çua në një qendër rehabilitimi. Ajo ishte rrahur barbarisht, por fatmirësisht ishte gjallë.
Në një sallë pritjeje të madhe, të rehatshme komunale në qendër, rreth 20 punonjës, vullnetarë dhe banorë ulen, ndërsa të afërmit sillen rreth e rrotull me qetë.
Sara, një nga banore, thotë se ajo ishte trafikuar nga një burrë lokal kur ishte 13 vjeç. “Ishte një njeri që besoja të ishte i dashuri im, por më shiti me tre burra në Tiranë dhe më çuan në Itali” thotë Sara, e cila ka një fëmijë që jeton me të në një strehë. “Për mënyrën se si u përdhunova, u rraha, u turpërua dhe u trajtova si bagëti, ishte gjithçka anti-njerëzore”. Sara u arratis, kur iu tha të shkonte në një bordello të re në qytetin e vogël pranë Torinos, shkruan Tirana Today.
“Unë shkova në polici dhe falënderoj Perëndinë që mbrojti”, thotë ajo. “Më dërguan për ndihmë te Organizatës Ndërkombëtare për Migracionin dhe më ndihmuan të kthehesha në shtëpi. Por policia në Vlorë nuk më besoi. Ata thanë se po gënjeja sepse isha prostitutë në Itali dhe se ishte zgjedhja ime e lirë. Ata më thanë do më arrestonin nëse do i shqetësoja përsëri”, përfundoi ajo. TIRANA TODAY
