Nga: Natasha Bertrand e CNN
Zyrtarët e Shtëpisë së Bardhë po humbasin besimin se Ukraina do të jetë ndonjëherë në gjendje të rimarrë të gjithë tokën që ka humbur gjatë katër muajve të fundit të luftës, thanë zyrtarët amerikanë për CNN, edhe me armët më të rënda dhe më të sofistikuara të SHBA-së dhe aleatëve të saj.
Këshilltarët e presidentit amerikan Joe Biden kanë filluar të debatojnë se si dhe nëse presidenti ukrainas Volodymyr Zelensky duhet të ndryshojë përkufizimin e tij për një “fitore” ukrainase.
Zyrtarët amerikanë theksuan për CNN se ky vlerësim më pesimist nuk do të thotë se planet e SHBA-së do të bëjnë presion ndaj Ukrainës për të bërë ndonjë lëshim territorial formal ndaj Rusisë, në mënyrë që t’i japë fund luftës.
Ekziston gjithashtu shpresa se forcat ukrainase do të jenë në gjendje të rimarrin pjesë të konsiderueshme të territorit në një kundër-ofensivë të mundshme më vonë këtë vit.
Dhe jo të gjithë në administratë janë aq të shqetësuar – disa besojnë se forcat ukrainase mund të sfidojnë përsëri pritjet, siç bënë në ditët e para të luftës kur zmbrapsën një avancim rus në kryeqytetin ukrainas të Kievit.
Burimi i lajmit: CNN. Përshtatur nga Tirana Today
