Sulmuesi i Juventus, Cristiano Ronaldo është pezulluar me një ndeshje në UEFA Champions League që do të thotë se ai do të jetë në fushë kur bardhezinjtë të ndeshen me Manchester United. Ylli portugez u ndëshkua me karton të kuq në minutën e 29’ në ndeshjen debutuese me “Zonjën e Vjetër” në Champions League ndaj Valencias pas përplasjes me Jeison Murillo.
Ndeshja eventualisht u fitua 2-0 nga italianët. Edhe pse kartoni i kuq u cilësua si një ndëshkim i tepërt UEFA nuk e ka ndryshuar atë dhe ka lënë në fuqi pezullimin me në ndeshje të Ronaldos. Ai do të mungojë në ndeshjen e 2 tetorit përballë Young Boys, por do të ketë mundësinë të rikthehet për ndeshjen e 23 tetorit ndaj Manchester United.
Ronaldo kaloi gjashtë sezone te “Djajtë e Kuq” nga 2003 deri 2009, duke fituar tre tituj të Premier League dhe një Champions League. Ai është rikthyer në Old Trafford vetëm njëherë me Real Madrid më 2013.
