Skënder Gega është larguar nga drejtimi i Partizanit, pas një sezoni fantastik që u kurorëzua me shpalljen e të kuqve kampion pas 26 viteve pritje.
Është klubi i Partizanit, që pas bërjes publik të këtij lajmi, ka reaguar edhe zyrtarisht nëpërmjet një postimi në Facebook. Të kuqtë shprehen se ndërprerja e kontratës ka ardhur me mirëkuptimin etë dy palëve, për arsye personale të trajnerit Gega.
POSTIMI I PARTIZANIT
Klubi i Futbollit Partizani falenderon trajnerin Skënder Gega për arritjen e fitimit të titullit të 16 Kampion të Shqipërisë, i cili u rikthye në shtëpi pas 26 vitesh. Trajneri Gega ka një meritë të padiskutueshme në arritjen e këtij suksesi fantastik. Falë kontributit, punës, sakrificës, përkushtimit dhe disiplinës, Gega arriti të krijonte një grup triumfues, duke fituar respektin e lojtarëve, stafit drejtuesve dhe tifozëve të shumtë të Partizanit. Klubi saktëson se për arsyet e tij personale, trajneri Gega ka vendosur të ndërpresë me mirkuptim kontratën mes dy palëve, për të mos vijuar të jetë në drejtimin e ekipit edhe në sezonin e ardhshëm. Presidenti Gazment Demi dhe Drejtori Olsi Rama dëshirojnë të falënderojnë trajnerin Skënder Gega, i cili pas suksesit si lojtar, arriti ti dhuroj klubit një tjetër trofe kampioni edhe si trajner i Partizanit. Klubi falënderon trajnerin Skënder Gega për emocionet dhe performancën e shkëlqyer që ekipi rregjistroi në drejtim e tij.
