Ansi Agolli tashmë 36 vjeç, u largua nga Qarabag, pas 5 sezonesh në Azerbajxhan, për të vijuar karrierën në SHBA. Ish-kapiteni i kombëtares shqiptare ka firmosur për një vit me skuadrën e New York Cosmos, skuadër që militon në Kategorinë e Dytë të kampionatit amerikan të futbollit.
“Ndihem shumë komod. Është si një familje brenda dhomave të zhveshjes. Jam shumë i emocionuar dhe po përgatitem për ndeshjet dhe të arrij rezultate me skuadrën. Në Shqipëri, kur thua futbolli amerikan, Cosmos është skuadra e parë që të vjen në mendje, E di që ky klub ka traditë dhe unë do të bëj më të mirën për të ruajtur këtë traditë”, tha Agolli.
An addition with a wealth of top-level experience. #NYCosmos sign Albanian national team captain Ansi Agolli: https://t.co/9ChJlXYi4W #ForeverGreen #WelcomeAnsi pic.twitter.com/eyOsybLK1k
— New York Cosmos (@NYCosmos) March 25, 2019
Agolli u shpreh shumë i lumtur për këtë sfidë të re dhe në mesazhin e tij të dërguar tifozëve shqiptar në Amerikë tha se do japë maksimumin për këtë skuadër në aspektin sportiv, si dhe do të tregojë vlera të larta njerëzore.
Listen to Ansi Agolli's message to Albanian soccer fans in New York and the world as well as to #CosmosCountry.#ForeverGreen #WelcomeAnsi pic.twitter.com/d2jf8ov6lY
— New York Cosmos (@NYCosmos) March 25, 2019
Zëvendës presidenti i klubit, Joe Barone tha: “Jemi shumë të emocionuar që Agolli është me ne këtë sezon. Eksperienca e tij flet vetë dhe ne besojmë se ai do të ketë ndikim në fushë këtë sezon, jo vetëm me aftësitë e tij, por edhe duke dhënë shembull për lojtarët e rinj në ekip.”
