Zvicra kishte të gjitha mundësitë për të marrë tre pikë përballë Danimarkës në sfidën e eliminatoreve të Euro 2020, por shkatërroi gjithçka në 10 minuta. Ndeshja ishte duke u fituar nga helvetët deri në minutën e 82’ me rezultatin bindës 3-0, por më pas gjithçka u barazua.
Trajneri Petkovic largoi nga fusha dy shqiptarët që kishte hedhur si titullarë, Ajetin dhe kapitenin Xhaka. Të dy dhanë kontribut të madh në atë rezultat, pasi sulmuesi dha një asist, ndërsa Xhaka shënoi një gol ‘raketë’ që Schamichel nuk arriti ta shihte.
