Zv/ Ministri i Shëndetësisë, Albert Nikolla ka dalë kundër protestuesve në Tiranë, pasi ata po djegin pemë dhe po prishin semaforë.
Ai u shpreh në ”Ora News” se policia në momente ekstreme përdor dhunë se për atë punë është, ndërsa tha se disa parti opozitare e gjejnë shpresën te dhuna, duke shtuar se Sali Berisha nuk kthehet më në pushtet.
“Ju jeni të njëanshëm. Po digjen pemët dhe po prishen semaforët. Kjo është një protestë pa frymë. Këtu nuk ke qindra dhe mijëra njerëz, por janë 10-20 njerëz. Nuk është e vërtetuar që në qeli janë futur shumë veta në qeli të vogla. Shumë media janë shumë të pozicionuara, ju jeni një media kundër. Krejt vëmendja juaj përqendrohen tek ata 20-30 veta në protestë. Protesta nuk është ngjarja e ditës, është e fryrë nga mediat.
Unë shikoj pemë të djegura, gurë dhe semaforë të prishur. Po shikoj që mbi policët janë hedhur gurë. Ju niseni me supozime mbi dhunën. Policia në moment ekstreme përdor dhunë se për atë punë është. Këto nuk janë protesta, por takime të vogla njerëzit që mblidhen aty. Të protestojnë paqësisht se na lanë pa semaforë. Nuk jam dakord me këtë fakt. Disa parti opozitare, duke parë se janë të dështuara dhe pa projekt politik, e gjejnë shpresën te dhuna. Nuk kthehet më Sali Berisha në pushtet. Policia e shteti është sjellë në mënyrë të rregullt. Janë plagosur 17 policë”, tha Nikolla.
