Mjaft i indinjuar me kryeministrin Rama, lidhur me termat aspak të duhur ndaj medias, ku kryefjalë e gjithçkaje është ‘kazan’, gazetari Ylli Rakipi e ka paditur për cënim imazhi. Ai tha se ka bërë kundër-padi ndaj Ramës, për shkak se ai fyen gazetarët. Po kështu, Rakipi ka sqaruar pse ka precipituar kjo situatë, pasi për të, kryeministri është gojështhurur, e po kështu ka tentuar që ti mbyllte emisionin.
“Kam bërë kundër-padi ndaj kryeministrit Rama. Rama fyen gazetarët pa reshtur. E keni dëgjuar fjalorin e tij? Rama është gojështhurur. Rama ka bërë përpjekje që unë të mbyll emisionin.
Rama është diktator i tipit të ri, i tipit të Putinit, të Erdoganit, nuk ka asnjë ndryshim me ta. Media ka problemet e veta, por nuk është Rama ai që mund të flasë për mediat, aq më pak t’i fyejë”, tha Rakipi.
Kjo kundërpërgjigje vjen pasi më herët, Rama e ka paditur Rakipin për “nxirje imazhi”.
