Ish-ministri i Drejtësisë, Ylli Manjani, ka reaguar ashpër ndaj ambasadorëve në vendin tonë, pas thirrjes së këtyre të fundit për arritjen e konsensusit për Reformën Zgjedhore. Ai kërkon të dije se me çfarë i kërcënojnë ambasadorët, palët politike në vend. Manjani shpërthen ndaj ambasadores amerikane, Yuri Kim, duke i dhënën ‘shuplakën e fortë’, e paralajmëruar se ajo si fillim duhet të ndalë dhunën në vendin e saj. Sapo skadoi afati i 31 majit për Reformën Zgjedhore pa marrëveshje, ambasadoret janë vënë në lëvizje për të rikthyer palët në tryezën e Këshillit Politik.
Në selinë e PD, aleatët u takuan me prezencën e ambasadores së SHBA, Yuri Kim, britanikut Duncan Norman, dhe ambasadorit të BE, Luigi Soreca. Në tryezë janë diskutuar pikat për të cilat ka pasur dakordësi në Këshillin Politik, por dhe ato ku palët kanë dallime të mëdha.
Edhe pse bisedimet zgjatën mbi 2 orë, në përfundim diplomatët nuk dhanë koment, me shpresën se palët do të vazhdojnë dialogun. Ultimatumi ndërkombëtar duket se ka dhënë efekt, pasi opozita ka kërkuar që të rinisin mbledhjet e Këshillit Politik. Oerd Bylykbashi dhe Petrit Vasili kanë kërkuar që të ketë sot pasdite një takim, për të diskutuar mbi gjetjen e dakordësisë.
Statusi
Jam kurioz këto ambasadorët që bëjnë si negociatorë për disa rrjeshta ligj zgjeshjesh, me çfarë i kërcënojnë palët këto kohë?!
Zonja e Amerikës duhet të ndalë dhunën në vendin e vet si fillim. Presidenti i vendit të saj jeton në tunelin e sigurisë. Të jetë duke menduar për reformën tonë zgjedhore thua?!
Qesharake, apo jo?!
Zotëria i BE-së, që bën sikur po na hap rrugën për në organizatën që përfaqëson, sheh që vetëm po na shtohen kushtet. E mori detyrën kur kishin vetëm 5 prioritete, pastaj na u bënë 9 kushte sot janë 15. Më duket se u shtua dhe halli i drogës, pra u bënë 16.
Lëvizja e lirë e paralizuar. Një dreq e di se kur rivendoset… Soreca nuk e di, sigurisht.
Pra përfaqësuesi i BE nuk kërcënon më me asgjë në emër të BE-së. Kjo e fundit vetëm na largohet. Ndërkohë BE në vetvete kërcënohet më shumë se kurrë më parë nga vetshpërbërja.
Zotëria nga Britania, nuk është as Amerikë e as Europë. Thjesht Britani.
Pa lidhje me këtë vend.
Ndaj kuriozohem të kuptoj se çfarë thonë, që i bëjnë ata ende “të rëndësishëm”?!
Ç’mesazhe japin këto kohë kur faktet e ngjarjet ulërasin çdo ditë nga vendet që ato përfaqësojnë?!
Pesha e fjalëve të tyre është më e lehta që ka qenë ndonjëherë. Jo era, por thjesht fryma i largon fjalët e tyre…
E të mendosh që “ustallarët” tanë të pushtetit do iu bindet fjalëve të tyre, është naivitet… Jo sot, po asnjëherë nuk ka qenë kështu.
Nejse, sa më takon vetëm më forcohet bindja se problemet tona do ti zgjidhim vetëm ne vetë. Kur i djallosim, tregon se bashkëjetojmë me djallin dhe ambasadorët nuk kanë asgjë në dorë të na e heqin.
Kështu ka qenë gjithmonë…
