Blutë e Lezhës kanë reaguar në lidhje me ngjarjen e orëve të para të mëngjesit të sotëm në qytet, ku ambientet e zyrës së noterit Vasil Martini u përfshinë nga flakët.
Policia bën me dije se ka dëme të konsiderueshme dokumentacioni, por të cilat mund të sigurohen përsëri, pasi noteri i ka të ruajtura dhe në kompjuter.
Të njëjtat burime shtojnë se vijojnë veprimet hetimore në bashkëpunim me ekspertë dhe Prokurorinë e Rrethit Gjyqësor Lezhë, për përcaktimim e shkakut të djegies dhe dokumentimin e plotë të ngjarjes.
Lezhë / Informacion paraprak
Në orët e para të mëngjesit, në qytet Lezhë, në ambientet e brendshme të zyrës noteriale në pronësi të shtetasit V.M. 56 vjeç, banues në Lezhë, ka rënë zjarr.
Nga kqyrja paraprake, administrimi i të dhënave dhe pyetja e personave që kanë dijeni për gjithë dokumentacionin që ndodhej në zyrën noteriale në momentin e rënies së zjarrit, konfirmohet se ka dëme të konsiderueshme dokumentacioni, por janë dokumentacione që mund sigurohen përsëri.
Vazhdojnë veprimet hetimore në bashkëpunim me ekspertë dhe Prokurorinë e Rrethit Gjyqësor Lezhë për përcaktimim e shkakut të djegies dhe dokumentimin e plotë të ngjarjes.
