Kryebashkiaku i Durrësit Vangjush Dako ka reaguar në lidhje me zjarrin e rënë pasditen e djeshme në katin e parë të godinës së Bashkisë. Përmes një postimi në rrjetin social Facebook, Dako bën me dije se ka rënë zjarr për arsye të djegies së një kabulli elektrik.
“Në ambientet e Bashkisë së Durrësit në katin e parë (bodrum) ka rënë zjarr për arsye të djegies së një kabulli elektrik. Garantoj gjithë opinionin publik se zjarri nuk ka shkaktuar asnjë dëmtim në materialet e Bashkisë. Falënderoj njësinë e zjarrfikësve për ndërhyrjen në kohë”, shkruan ai.
