Zjarret masive kanë pushtuar Australinë dhe raportohet se koalat janë drejt zhdukjes.
Autoritetet kanë shpallur gjendje emergjence.
Zjarret ndikojnë drejtpërdrejt në biodiversitet dhe mediat ndërkombëtare kanë ngritur alarmin.
Një kafshë e adhurueshme si koala rrezikon të zhduket, kjo pasi nëse zjarret vazhdojnë do të digjen të gjitha pemët eukaliptus, që janë edhe burimi kryesor i ushqimit të këtyre kafshëve.
Raportohet se kanë ngordhur rreth 1000 koala.
Ekspertët kanë pohuar se zhdukja e tyre do të thotë shumë për Australinë pasi ato njihen gjerësisht si simbol i shtetit.
Pemët eukaliptus janë shumë të rralla dhe për t’u rritur ato duan pothuajse 100 vite. Australia është i vetmi habitat i përshtatshëm për to.
