Italia është vendi evropian me numrin me të madh të vatrave të zjarrit përgjatë verës 2017. Sipas analizës së Qendrës së Koordinimit të Emergjencave të Komisionit Evropian deri më 27 korrik të 2017 në Itali janë regjistruar 371 vatra zjarri e 72.039 hektarë tokë e djegur.
Pas Italisë vjen Portugalia me 115.323 hektarë tokë të djegur. Në Spanjë janë regjistruar 43 vatra zjarri e 19.666 hektarë tokë e djegur ndërsa në Francë 22 vatra zjarri e 9.585 hektarë tokë e djegur.
Sipërfaqja e territorit të djegur nga zjarri në Itali përgjatë 2017 është 4 herë më e madhe se ajo e regjistruar gjatë viteve të fundit.
Vetëm në muajin korrik janë verifikuar 300 vatra zjarri e në javën e dytë të këtij muaji prej 9-15 korrik janë djegur rreth 34 mijë hektarë tokë.
