Opozita ka djegur mandatet e deputetit pak ditë më parë dhe tashmë është e vendosur që të rrëzojë qeverinë Rama duke protestuar në çdo seancë plenare para Parlamentit. Ish-kryeministri Sali Berisha i ftuar në “360 Gradë” në Ora News, e konsideroi kryeministrin Edi Rama një kufomë politike.
“Ai është një zhgarravitës dhe mënyrë absolute asgjë tjetër. Janë të pavdekshme cilësimet që i kanë bërë kritikët e artit italianë, që thanë zhgarravinat e një adulti të droguar. Kaq janë ato. Problemi i tij është ky; ai është kufomë politike e pa kallur. A do ta kuptojë ai, kjo është gjë tjetër. Sa të jetë në fazë maniakale, ai nuk ka vesh që të dëgjojë, nuk ka sy që të shikojë”, u shpreh Berisha.
