Një djalë i vogël shqiptar, banues në Zvicër është zhdukur dje në mënyrë të mistershme. Fëmija i humbur quhet Zenel dhe është vetëm 4 vjeç. Raportohet se në momentin e zhdukjes së tij, djaloshi ka qenë duke bërë xhiro me biçikletë në afërsi të një sheshi lojërash në Lenzburgerstrasse.
Sipas deklaratave të babait të tij për median e njohur zvicerane ‘Blick’, fëmija në ato momente ka qenë i shoqëruar nga mamaja e tij.
“Pas rreth pesë xhirosh ai papritmas nuk u shfaq më. Gruaja ime menjëherë shkoi në kërkim të tij dhe gjeti vetëm biçikletën e tij. Ajo kërkoi kudo, por nuk mundi ta gjente,”– është shprehur kështu babai i Zenelit.
Asnjë gjurmë e fëmijës nuk është gjetur akoma teksa autoritetet po vazhdojnë misionin për gjetjen e tij.
