Kryeministria është blinduar pak para protestës. Mësohet se në protestë janë në gatishmëri edhe autobotet me gaz lotsjellës.
Policia ka marrë një sërë masash, për t’iu paraprirë çdo situate. Furgonë policie qëndrojnë të stacionuar në krah të Kryeministrisë.
Pak çaste më parë, qytetarët bllokuan rrugën Lezhë –Tiranë, duke kundërshtuar rritjen e çmimeve në vend, nisur nga nafta dhe produktet e tjera ushqimore.
Kriza dhe rritja e çmimeve pas fillimit të luftës në Ukrainë, kanë ngritur qytetarët në protestë kundër qeverisë së kryeministrit Edi Rama.
