Zgjidhja e problemit të emrit mes Greqisë dhe Maqedonisë, tashmë duket se ka hyrë në një proces të pakthyeshëm dhe me pritshmëri të larta për të dyja vendet.
Drejtuesi i qeverisë në Maqedoni, Zoran Zaev ka pohuar se ashtu si shteti maqedonas, por edhe Greqia e shikojnë më optimizëm zgjidhjen e çështjes së emrit.Me zgjidhjen e problemit të emrit, Zaev tha se Maqedonia do të marrë ftesën për anëtarësim në Aleancën e Atlantikut të Veriut (NATO).
Greqia dhe Maqedonia prej kohësh diskutojnë dhe përpiqen të gjejnë një emërues të përbashkët, që kënaq të dyja palët, në mënyrë që të nxisë përmirësimin e raporteve dhe të largojë inatet e së shkuarës.
