Qeveria shqiptare ka marrë masat e menjëhershme, për të parandaluar përhapjen e virusit vdekjeprurës.
Aktualisht e gjithë bota është nën ‘pushtetin’ e koronavirusit, e ndërsa vdekjet masive dhe të infektuarit po shtohen nga çasti në çast. Qeveria ka blerë mjete të domosdoshme për spitalet, në mënyrë që të sigurohet jeta e pacientëve dhe mjekëve.
Në aeroport kanë mbërritur avionët me ndihma mjekësore nga Turqia. Këtë madje e kishte konfirmuar edhe pak më herët kryeministri Rama, ndërsa situata në Shqipëri po njeh përkeqësim, me shtim të rasteve të personave të infektuar.
Ministria e Shëndetësisë konfirmoi sot 23 raste të reja me koronavirus në Shqipëri, duke e çuar numrin total të të prekurve në 146, ndërsa 5 persona kanë ndërruar jetë.
