Reforma Zgjedhore është risjellë sërish në fokus mbrëmjen e sotme në “Open”. Rama tha se është arritur ajo që duhet, depolitizimi i administratës zgjedhore.
Me tone ironike, kreu i qeverisë shtoi më tej se me këtë marrëveshje, Basha dhe PD kanë dalë më të lehtësuar.
“Suksesi është një fjalë shumë e madhe, por duke qenë se ne në atë tryezë na çoi disponimi për të lehtësuar peshën e frikës së Partisë Demokratike nga zgjedhjet, dhe duke qenë se ajo ç’ka ne duam të arrijmë në fund ishte një marrëveshje prej se cilës Basha dhe PD të dilnin të lehtësuar.
Kjo gjë mendoj se u arrit, edhe pse nuk u arrit ajo që duhet të arrihej, edhe adresimi i rekomandimit kryesor dhe më i përsëritur i ODIHR-it për zgjedhjet në Shqipëri, depolitizimi i admininstratës zgjedhore, për të cilën u ra dakord, por jo në zgjedhjet e ardhshme.
Nuk e kuptoj si mund të ketë depolitizim të administratës zgjedhore, duke përjashtuar administratën, pasi një gjë e tillë nuk ekziston në të gjithë botën“, u shpreh Rama.
