Kryetari i Bashkisë së Tiranës Erion Veliaj ka folur për rezultatin e zgjedhjeve në Tiranë, ku Partia Socialiste mori 18 mandate deputetësh.
Sipas Veliajt, këto zgjedhje ishin një referendum për të dhe vlerësim për punën që është bërë.
Më tej, kreu i Bashkisë tha se njerëzit janë bërë më pragmatistë dhe shohin nëse i del llogaria e familjes së tyre dhe për këtë arsyes Tirana u përgjigj shumë bujarisht n 25 qershor.
“Jemi të kënaqur me 18 mandate. Ishte dhe një referendum për mua dhe një vlerësim për çka kemi bërë në Tiranë. Kërkova një notë vlerësimi dhe për vete, Tirana na u përgjigj shumë bujarisht. Njerëzit janë bërë më pragmatistë. Shohin nëse i del llogaria e familjes së tyre,”- tha Veliaj në emisionin “Studio e Hapur”.
