Në përfundim të votimeve për zgjedhjet vendore, mbajtur ditën e sotme, përfaqësues të OSBE-së kanë mbërritur në KZAZ-në që ndodhet brenda në gjimnazin “Ibrahim Rugova” në Kamëz, me qëllim për të monitoruar procesin.
Ndërkohë, zëdhënësja e KQZ-së, Drilona Hoxha, në një deklaratë për mediat u shpreh se pjesëmarrja në zgjedhje deri në orën 15:00 shënonte 15.5%.
PD dhe LSI kanë reaguar lidhur me raportimin e KQZ, teksa shprehen se po mashtron qytetarët sa i përket numrit të pjesëmarrjes në votim.
