Juristi i njohur, Kreshnik Spahiu është shprehur se Partia Demokratike lindi si një forcë politike pro-amerikane, por tashmë kryedemokrati Lulzim Basha po i shkatërron marrëdheniet me SHBA-të, dhe bën aleancë me kryetaren e LSI, Monika Kryemadhi.
Deklarata e Spahiut u bë mbrëmjen e sotme në emisionin ”Open” në Top Channel. Teksa komentoi zgjedhjet brenda PD, Spahiu akuzoi Bashën se kërkon më shumë mandate në krye të partisë, por gjatë fushatës, ai tha se kryeministri nuk duhet të qëndrojë në pushtet, për më shumë s edy mandate.
Kreshnik Spahiu: Ai ofron fushatë dhe një mandat të limituar, dy mandate për të zgjedhurit dhe vetë do të rrijë pa kufi 3,4,5 mandate si kryetar partie. Për çfarë standardi flet kur ai zgjedhjet e 13 qershorit po i bën më i preftë se zgjedhjet e 25 prillit.
Në kauzën për demaskimin e zgjedhjeve të vjedhura dhe të manipuluara ai sërish ka dështuar. Ka shkuar me 100 thasë me kuti dhe letra në KAS dhe nuk kanë argumentuar dot vjedhjen. Një parti që erdhi dhe lindi si një parti pro amerikane nuk mundet nga një lider të shkatërrojë marrëdhëniet me Amerikën dhe të bëjë aleancë me Monikën. Kjo është e rëndë për PD-në dhe është burim i frymëzimit për anti-amerikanizmin.
Në këto zgjedhje që kemi me 13 qershor jam munduar të komunikoj me kandidatë nuk mund të ketë zgjedhje të Bashkës me këta. Ose Basha duhet të largohet mëngjesin e 13 qershorit ose këta. Këta edhe janë flamurtarë për dorëheqjen e Bashës dhe pastaj futen në zgjedhje me Bashën. Kjo nuk qëndron.
