Organizata për Siguri dhe Bashkëpunim në Evropë (OSBE) ka komentuar procesin e zgjedhjeve parlamentare në Kosovë.
Sipas saj, këto zgjedhje janë mbajtur në mënyrë të organizuar dhe “pa parregullsi apo incidente të mëdha”.
Gjithashtu, OSBE ka reaguar lidhur me parregullsitë, për të cilat tha se kanë të bëjnë me “mospranimin e kartave serbe të identitetit të disa votuesve dhe me raste të votimit të dyfishtë ose shumëfishtë”, por shtoi se këto çështje janë zgjidhur.
Shumica e votave në zgjedhjet e 11 qershorit është fituar nga koalicioni midis Partisë Demokratike të Kosovës, Aleancës për Ardhmërinë e Kosovës dhe Nismës për Kosovën.
