Aleatët e Partisë Demokratike kanë shprehur vullnetin e tyre për të marrë pjesë në zgjedhjet e 13 tetorit, datë kjo e caktuar nga presidenti Meta. Ata i kanë dërguar ditën e sotme një letër KQZ-së, ku i kërkojnë që të nisin proceduarat për zhvillimin e këtyre zgjedhjeve.
Bëhet fjalë për, kreun e PAA Agron Duka, Fatmir Mediu i Partisë Republikane dhe Monika Kryemadhi e LSI, të cilët kërkojnë anulimin e 30 qershorit dhe zbatimin e dekretit të presidentit.
Nga ana tjetër, kreu demokrat, Lulzim Basha në takimin e mbajtur me aleatët ka deklaruar se KQZ e ka detyrim të pashmangshëm të përgatisë zgjedhjet e 13 Tetorit.
“Shteti dhe partia janë dy gjëra të ndryshme. Ka një ndryshim rrënjësor midis të drejtës kushtetuese dhe të drejtës partiake. I vetmi akt me fuqi kushtetuese në lidhje me zgjedhjet është dekreti i Presidentit për zhvillimin e zgjedhjeve më 13 tetor. Është detyrim i pashmagshëm dhe i padiskutueshëm i KQZ-së dhe institucioneve të tjera shtetërore të përgatisin infrastrukturën për këto zgjedhje. Partitë politike, pastaj, kanë të drejtën e tyre të marrin apo jo pjesë në këto zgjedhje”, tha Basha.
