Kryeministri i Maqedonisë së Veriut, Zoran Zaev deklaroi se zgjedhjet e caktuara të mbajtura në 12 prill mund të shtyhen.
Zaev u shpreh se Kuvendi mund të mos shpërbëhet në mesin e shkurtit në rast se nuk miraton paraprakisht ligjet që janë në dobi të qytetarëve.
“Ligjet thelbësore, mosmiratimi i të cilave pengon pensionet, sigurimet shoqërore, rritjen e pagave, gjithë atë që nënkupton jetë për qytetarët, atëherë zgjedhjet edhe mund të shtyhen. Nuk e them këtë sot si kërcënim, sepse përgjegjësia e çdo deputeti pavarësisht nga pushteti apo opozita është përgjegjësi edhe e Qeverisë, pushtetit lokal dhe gjithë të tjerëve që e marrin rrogën nga qytetarët.
Unë nuk e dëshiroj shtyrjen e zgjedhjeve, e kam përsëritur pafund se zgjedhjet nuk duhet të shtyhen por njëkohësisht detyrimi i parë janë qytetarët. Detyrimi i dytë, edhe politik është që të mos lejojmë të frenohet interesi i qytetarëve, kjo është më e rëndësishmja”, tha Zaev.
