Ambasada amerikane, britanike, por edhe ajo italiane së bashku me OSBE-në i janë drejtuar me shkresë zyrtare Komisioni Qendror të Zgjedhjeve për akreditimin e vëzhguesve të tyre në zgjedhje, duke u shprehur qartë dhe në një linjë se do njohin 30 qershorin, si datë zgjedhjesh në Shqipëri.
Po ashtu, Ambasada Amerikane në Tiranë u është drejtuar qytetarëve amerikanë duke u bërë thirrje për të qenë vigjilentë, ndërsa thuhet se “Shqipëria do të mbajë zgjedhje në çdo bashki me 30 qershor 2019. Zgjedhjet në Shqipëri janë planifikuar të zhvillohen nga ora 07:00 deri në orën 19:00. Zgjedhjet do të mbahen në çdo bashki të vendit. Numërimi do të behet në qendrat e numërimit dhe mund të zgjasë deri në disa ditë. Incident e kohëve të fundit, shoqëruar me dhunë, kanë vënë në shënjestër zyrtarët e zgjedhurve dhe materialet e votimit duke rritur perspektivën e dhunës ose shqetësimeve të tjera në ditën e zgjedhjeve, dhe ditët që pasojën për numërimin në qendrat e numërimit”.
