Ish-ministri Xhafaj ka reaguar pas mbledhjes së sotme të Kryesisë së Partisë Socialiste, e cila ka zgjatur rreth 5 orë.
Përmes një postimi në Twitter, Xhafaj e ka cilësuar mbledhjen si një ndër më të mirat e viteve të fundit. Sipas tij, Partia Socialiste konfirmoi edhe njëherë se mbetet një institucion i vlerave demokratike, sa i përket përmbajtjes dhe mënyrës së debatit të zhvilluar në mbledhjen e sotme.
Postimi i plotë:
Sot zhvilluam një mbledhje Kryesie. Zgjati si rrallëherë, plot 5 orë! Përmbajtja dhe mënyra e debatit të zhvilluar – një konfirmim i vlerave demokratike të institucioneve të Partisë Socialiste. Realizëm, përgjegjshmëri në vlerësimin e situatës dhe për rrugën që do ecim, nga të gjithë diskutantët. Çdo gjë në interes të vendit & në shërbim të njerëzve. Ishte një ndër mbledhjet më të mira të viteve të fundit në këtë lloj formati. PS mbetet një vlerë e çmuar demokracie, stabiliteti e reformimi në këtë vend.
https://twitter.com/FatmirXhafaj/status/1151522707684634624
