“Nuk ka ndjenjë më të mirë”, reagon Haradinaj pas çmimit të marrë nga bashkëshortja e tij

Anita Haradinaj, bashkëshortja e kryeministrit të Kosovës, Ramush Haradinaj është vlerësuar me një çmim të rëndësishëm në eventin “Global Woman Summit 2019”.

Ajo u vlerësua me çmimin “Phenomenal Global Women” falë votave online nga publiku që ka votuar prej disa muajsh. Nga ana tjetër edhe bashkëshorti i saj e ka uruar përmes një postimi në Facebook, duke u shprehur se ndihet mjaft krenar për arritjen e saj.

“Sot, jam tejet i lumtur dhe i nderuar për shpërblimin e “Phenomenal Global Women” në Global Women Summit 2019 në Londër, që fitoi Anita. Nuk ka ndjenjë më të mirë se të kesh pranë një grua të fuqishme, që nuk dorëzohet asnjëherë, e që lufton për të drejtat e grave”, ka shkruar Haradinaj.