Mali Sinabung i Indonezisë shpërtheu të Premten, duke hedhur një kolonë masive tymi dhe hiri deri në 2,800 metra në qiell.
Vullkani në provincën Sumatra Veriore filloi të nxirrte hirin dhe materialin vullkanik në 9 të mëngjesit dhe shpërthimi zgjati gati gjashtë minuta, tha një agjenci lokale gjeologjike. Imazhet treguan një kolonë të trashë hiri që lëshohej nga brendësia e Sinabung drejt lindjes, shkruan Barrons.
Asnjë urdhër evakuimi nuk është lëshuar dhe nuk ka raportuar ndonjë ndërprerje të fluturimit. Autoritetet kanë udhëzuar banorët të shmangin një rreze prej pesë kilometrash rreth kraterit, një zonë që ka mbetur e pa zënë për vite me rritjen e aktivitetit vullkanik.
“Banorët dhe turistët nuk duhet të bëjnë ndonjë aktivitet rreth malit Sinabung ose fshatrave të zhvendosura sepse aktivitetet vullkanike mbeten të larta”,- tha për AFP Muhamed Nurul Asrori, një zyrtar në postin e monitorimit në malin Sinabung, duke shtuar se statusi i alarmit të vullkanit mbetet i pandryshuar në nivelin tre.
