Parlamenti gjerman ka miratuar sot një projektligj për të hequr nga përdorimi qymyrin, deri në vitin 2038.
Ky projektligj erdhi si pasojë e kritikave nga organizatat mjedisore të vendit, të cilat duan që të veprohet sa më shpejt në lidhje me këtë çështje.
“Ne po nisim një projekt brezash të daljes nga përdorimi i qymyrit. Është një vendim i rëndësishëm, i cili na tregon rrugën. Epoka e karburanteve fosile mbaron përfundimisht në Gjermani me këtë vendim”, tha ministri gjerman për Ekonominë, Peter Altmaier.
Ministri iu bëri thirrje kundërshtarëve që të mos e minimizojnë këtë projektligj.
