Zef Mustafa, lindi në Shqipëri, po u arratis nga regjimi komunist me familjen e tij që më 1962, dhe shkoi në SHBA. Prindërit i vdiqën pas disa vitesh. Vendoset në një jetimore, por e braktis shkollën pas disa vitesh, për t’u bërë pjesë e botës së krimit.
Ishte shumë i lidhur me familjen mafioze Gambino në Nju Jork. Ai cilësohej nga anëtaret e tjerë të mafies, si person shumë i dhunshëm dhe i etur për gjak. Mustafa ishte gjithashtu një mik i mafiozit tjetër të njohur Xhon Goti. Shqiptarit i frikësoheshin edhe mafiozët më të regjur.
“I urrej këta dreq shqiptarësh!”- tha për bandën e Mustafës në një rast, një bos i familjes kriminale gjenoveze në një përgjim të FBI-së.
“Nëse të del përpara një shqiptar dhe një ujk, vrit shqiptarin. Me ta nuk flitet”.
Mustafa njihej edhe si njeriu i shkopit të bejsbollit. Sipas informatorëve të drejtësisë, shqiptari kishte ekzekutuar shumë njerëz, duke ua thyer kafkën. Një nga avokatët që punoi për mbrojtjen e Mustafës dëshmonte: “Edhe kriminelët më të zgjuar frikësoheshin nga ai”.
Zef Mustafa, mendohet se arriti të vërë një pasuri shumë të madhe, madje më shumë se sa disa nga anëtarët e klanit Gambino. U arrestua në vitin 1993, dhe u dënua me disa vite burg, dhe pasi doli nga burgu u dëbua nga SHBA./ TIRANA TODAY
