Zëdhënësja e BE-së, Ana Pisoneri është shprehur se javën e ardhshme KE dhe komisioneri për zgjerimin Varhelyi do të paraqesin strukturën apo kornizat e negociatave të Shqipërisë dhe Maqedonisë së Veriut.
Pisoneri tha se më 7 qershor do të paraqiten kornizat e negociatave në të cilat do të punohet.
“Përfaqësuesi OliverVarhelyi tha sot se KE do të paraqesë kornizat e bisedimeve për Shqipërinë dhe Maqedoninë e Veriut në Këshillin Evropian në qershor, me shpresë javën e ardhshme”, tha ajo.
Në lidhje me këtë ka reaguar edhe Drejtoresha e BE për Ballkanin, Genoveva Ruiz Calavera e cila ka thënë se po punohet për detajet e fundit.
“Po me të vërtetë, ne jemi duke punuar në detajet e fundit të këtyre dokumenteve të rëndësishme që përcaktojnë kornizën në të cilën do të zhvillohen negociatat për Shqipërinë dheMaqedoninë e Veriut për pranimin në Bashkimin Evropian”, tha Calavera.
