Pas votimit në Kuvend të dy antareve të reja të Gjykatës Kushtetuese, dhe marrjes së kompetencave të Presidentit Meta, duke quajtur të miratuar pa votim Arta Vorpsin, një reagim është pasuar nga zëdhënësi Tedi Blushi.
Zëdhënësi i Kreut të Shtetit, ka përcjellë një koment me tone ironike. Ai njofton se Meta është sinjalizuar për këtë votim, por kur të kthehet nga vizita në Paris, do të japë vlerësimet e tij.
“Asgjë e re nga fronti i Ramaformës!
Presidenti Meta vazhdon vizitën në Paris, dhe kur të kthehet në Shqipëri do të ndajë vlerësimet e Tij me qytetarët shqiptarë!”, shkruan ai në Facebook.
