Pas përfundimit të javës së 4-ërt të Kategorisë Superiore, e cila prodhoi mjaft surpriza, Federata Shqiptare e Futbollit ka përcaktuar kalendarin e javës së ardhshme, që do të luhet në 2 ditë dhe pa dritën e prozhektorëve. Kukësi-Tirana do të jetë dhe kryendeshja e javës së 5-të, e cila është caktuar të zhvillohet ditën e shtunë në orën 16:00. Në të njëjtin orar me këtë përballje do të zhvillohen edhe 2 sfidat e tjera, ajo mes Partizanit dhe Bylisit si dhe Skënderbeu-Teuta.
E diela ndërkohë do të sjellë dy përballje interesante mes 4 skuadrave që pozicionohen në 4 vendet e fundit të tabelës së renditjes. Vllaznia do të presë në shtëpi Luftëtarin, ndërkohë që Flamurtari do të kërkojë pikët e para në kampionat ndaj Laçit. Të dy këto përballje do të startojnë në orën 16:00.
KATEGORIA SUPERIORE, JAVA 5-të:
E shtunë 16:00
Kukësi-Tirana;
Partizani-Bylis;
Skënderbeu-Teuta.
E diel 16:00
Vllaznia-Luftëtari;
Flamurtari-Laçi.
