Shqipëria është kthyer në diktaturë, drejtësia ka vdekur, rendi është në duar të krimit, kryetari i opozitës survejohet nga policia dhe narko-kryeministri na shet përralla me punësim dhe zhvillim.
Po nuk reaguam sot, nesër narko-kryeministri nuk do të na mohojë veç fjalën por do të na kërcënojë dhe jetën. O sot o kurrë të shporrim narko-kryeministrin që rri si korb mbi kokat e shqiptarëve. Të cojmë në emigrim; Edi Ramën, Fatmir Xhafajn, Saimir Tahirin, Vangjush Dakon, Gramoz Rucin, Taulant Ballën, Qazim Sejdinin, Erion Veliajn, Ilir Beqjan, Termet Peçin, Artur Bushin, Arben Ahmetajn, Damian Gjiknurin, Lindita Nikollën, që të qëndrojnë 2 milionë shqiptarë këtu, që rinia të jetojë në Shqipërinë Evropiane” deklaron kreu i FRPD-së Belind Këllçi.
Sot një grup të rinjsh janë mbledhur poshtë zyrën së Xhafajt, ndërsa kërkojnë largimin e këtij të fundit nga detyra. Kujtojmë se Forumi Rinor i Partisë Demokratike dhe LRI po vijojnë me protestat kundër Ministrit të Brendshëm Fatmir Xhafaj.
Ka qenë kreu i FRPD-s Belind Këllçi ai që ka marrë fjalën i pari në protestë, ndërsa nuk ka kursyer sulmet për qeverinë Rama. “Të rinjtë gjejnë zgjidhjen për të ndalur emigrimin masiv të shqiptarëve drejt Evropës. Të çojmë Ramën, Xhafajn e Tahirin me shpurën e rilindjes në emigrim e të rrimë 2 milionë shqiptarë në vendin tonë
1 milion shqiptare në 3 vjet kanë plotësuar formularin për lotarinë amerikane. 110 mijë të rinj zyrtarisht kanë kërkuar azil në vendet e BE-së. 290 mije qytetare nuk sigurojnë dot ushqim të mjaftueshëm. 10% e fëmijëve ushqehen vetëm një herë në ditë. 50 mije fëmijë shfrytëzohen në punë të rënda. 12 kryefamiljare janë vetëvrarë se s’paguanin dot faturën e energjisë elektrike.
Dy ministra te brendshëm te Edi Ramës janë faktuar si bashkëpunëtore te trafikanteve të drogës. Ky është realiteti i Shqipërisë me Edi Ramën. Kjo është e vërteta qe fasadoqeveria kërkon ta fshehë me ndihmën e parave të drogës dhe krimit,” thekson Këllçi.
