Shumë është aluduar mbi vdekjen e diktatorit të Koresë së Veriut, Kim Jong-un. Si fillim një operacion në zemër, e më pas largimi nga skena për ditë më radhë. E më tej ishin zyrtarët e lartë të cilët jepnin versione nga më të ndryshmet, duke krijuar shumë pikëpyetje.
Por kjo çështje me shumë të panjohura, duket se po merr një tjetër drejtim. Sipas ‘Sky News Australia’, diktatori i Koresë së Veriut, Kim Jong-un mund të ketë inskenuar vdekjen e tij, për të ekzpozuar tradhtarët e rrethit të brendshëm.
Pasi u zhduk nga jeta publike për 20 ditë, diktatori u shfaq në fundjavë në përurimin e një fabrike fertilizuesish. Tani që Kim Jong-un dha provat se është në gjendje të mirë, gazetari austrialian James Morrow thotë se inskenimi i vdekjes së diktatorit ishte një provë për të parë sesi do të reagonte elita e Penianit.
Po sipas tij, kjo skemë do të zbulonte “tradhtarët” mes rrethit të tij. Gazetari parashikon se Kim do të ashpërsojë më shumë dorën e tij kundër disidentëve. “Besoj se shumë shpejt do të ketë spastrime në Korenë e Veriut”, shton ai.
