Prej disa ditësh, tema e patronazhistëve ka shkaktuar debate të forta dhe reagime në skenën politike por jo vetëm, pas publikimit të të dhënave personale për 910 mijë qytetarë të Tiranës.
I ftuar në emisionin e mëngjesit ‘Wake Up’, aktori i mirënjohur i humorit, Rezart Veleshnja nuk i ka shpëtuar pyetjes më ‘in’ të momentit, nëse ai e ka parë apo jo se cili është patronazhistin e tij.
Rezarti zbuloi edhe kë kishte menduar të votonte, por u shpreh i zhgënjyer nga mënyra sesi kjo gjë funksiononte dhe kërcenonte privatësinë e secilit.
“Më në fund pashë databazën dhe më kishin kontrolluar çdo gjë timen, kunata, nga ka ardhur, nga vjen, kishte hyrë në familjen time, do votojë për PS, i ati ka dalë në pension. Njëherë e përgjithmonë, sa të kem jetën, për këta njerëz që mua më kanë bërë këtë gjë, që më kanë kontrolluar jetën dhe çojnë dhe informacione që është i sigurt ky që do votojë për ty, nuk e kanë votën vetëm nga kjo gjë Unë për PS isha me thënë të drejtën, do ta hidhja votën pas shumë vitesh, nuk do ta jap më, vetëm për këtë patronazhistin”, tha aktori.
