Grida Duma do të jetë moderatore e emisionit “Top Story” në Top Channel. Ky lajm është konfirmuar nga Lori Hoxha, e cila tregon me anë të një postimi në rrjetet sociale se Duma do të jetë pjesë e këtij grupi mediatik. Nëpërmjet një postimi në InstaStory, Hoxha ka zbuluar dhe ditën se kur do të startojë emisioni. “Të hënën”- ka shkruar ajo.
Grida Duma dorëzoi mandatin e deputetes, duke u larguar kështu nga jeta aktive politike. Ajo qenë deputete e Partisë Demokratike, dhe njëkohësisht ka qenë edhe drejtuese e Komisionit të Punës dhe Çështjeve Sociale në Kuvendin e Shqipërisë.
