Kryeministri Edi Rama kthehet nesër në takimet elektorale në rrethe, konkretisht në qarkun e Shkodrës, ku pritet të prezantojë kandidatin për kryetar bashkie në këtë qytet. Duket se përplasjet nuk do të mungojnë, pasi PD i ka bërë thirrje strukturave të saj të ngrihen në protestë, për të penguar vizitën e Ramës në këtë qytet.
Në njoftimin në fjalë citohet se PD dega Shkodër, i bën thirrje çdo shkodrani që të bëhen bashkë në marshimin në mbrojtje të demokracisë, lirisë dhe votës.
“Partia Demokratike, dega Shkodër, i bën thirrje çdo shkodrani të na bashkohet ditën e nesërme, e enjte, 20 qershor në orën 18:30 në marshimin mbarëqytetar në mbrojtje të demokracisë, lirisë dhe votës. Ky marshim do të fillojë nga sheshi para Bashkisë Shkodër, dhe do të vijojë në të gjitha rrugët e qytetit tonë. Bashkohuni me ne. Për një Shqipëri si gjithë Europa. Rama ik”.
