Policia e Krujës ka arrestuar një 20-vjeçar për kultivim të lëndëve narkotike. Në pranga ka përfunduar shtetasi Anxhelo Mehmeti, 20 vjeç, banues në Tiranë.
Gjatë një kontrolli në fshatin Kameras të Fushë Krujës, në breg të lumit është konstatuar një sipërfaqe toke me fidanë dhe bimë narkotike Cannabis Sattiva.
Pas kontrollit, janë sekuestruar në cilësinë e provave materiale:
- 60 fidanë të dyshuara të llojit Cannabis Sattiva;
- 55 bimë të dyshuara të llojit Cannabis Sattiva;
- një sasi lënde narkotike e dyshuar e llojit Cannabis Sattiva;
- një pushkë model 63.
Mehmeti kishte përshtatur një ambient për të qëndruar, në tokën ku u gjetën fidanët dhe bimët narkotike. 20-vjeçari është person me precedentë penalë të mëparshëm në fushën veprave penale të narkotikëve dhe dhunë në familje.
Grupi hetimor vijon punën për identifikimin e personave të tjerë të përfshirë në këtë aktivitet kriminal.
