Së fundmi është zbuluar manovra politike e Lëvizjes Vetëvendosje për të formuar një koalicion.
Kryetari i Partisë Demokratike të Kosovës, Kadri Veseli, në një intervistë ka rrëfyer se Lëvizja Vetëvendosje i ka kërkuar atij këto ditë që të formohet një koalicion mes VV-së dhe PDK-së.
“Vetëvendosja kërkoi këto ditë koalicion me PDK-në”, ka thënë Veseli në një intervistë për “Reporteri”.
Kryetari i PDK-së disa herë e ka bërë të qartë se këtë mandat, partia e tij do të qëndrojë në opozitë, për shkak se doli e treta në zgjedhjet e tetorit të vitit të kaluar.
Ndërkohë kujtojmë se qeveria e krijuar mes koalicionit VV-LDK, zgjati vetëm 45 ditë.
Kjo për shkak të rrëzimit të qeverisë përmes mocionit të mosbesimit të iniciuar nga Lidhja Demokratike e Kosovës.
