Bindja Demokratike është partia më e re e opozitës shqiptare. Ditën e sotme ajo është regjistruar në gjykatë, po ashtu ka marrë edhe hapin tjetër, atë të dorëzimit në KQZ të kërkesës për të marrë pjesë në zgjedhje.
Në deklaratën e parë të tyre ajo që bie në sy është logoja e Bindjes Demokratike, shumë e ngjashme me atë të Partisë Demokratike. Nuk dihet arsyeja e një zgjedhje të tillë, por në fletën e votimit, një zgjedhës shqiptar do ta ketë të vështirë të dallojë logot nga njëra-tjetra. Ngjyra e fortë blu dhe B-ja në vend të P-së janë i vetmi ndryshim mes BD dhe PD.
Ndër të tjera në deklaratë thuhet se është krijuar edhe bordi i kësaj partie i përbërë nga ish-demokratë, ish-anëtarë të Kryesisë së Parisë Demokratike të lënë jashtë tashmë nga Basha. Mes tyre janë Arben Skënderi, Valbona Mezini, Fabian Topollaj, Astrit Patozi, Andi Përmeti dhe Leonard Olli.
