Emisioni i talenteve të reja “Top Talent 2” do të rikthehet në ekranin e “Top Channel” me disa emra të rinj në juri. Eneda Tarifa do rikthehet në ekranin e televizionit si moderatore e “Top Talent 2”, pas një sërë eksperiencash si në “Portokalli”, dhe pjesëtare e jurisë së “The Voice Kids”.
“Prive.al” ka arritur të mësojë se krahas prezantueses, edhe juria do të ketë një përbërje tërësisht të re. Bëhet e ditur se vetëm Bieta Sulo është pjesë nga juria e së shkuarës, pasi do angazhohen emra të rinj. I referohemi Eno Popit, Muhamed Veliu i rikthyer së fundmi dhe Salsano Rrapi. Jurisë do t’i shtohet edhe një tjetër vajzë, e cila do të zbulohet më pas.
Programi nis në muajin maj, dhe do jetë në transmetim për 10 javë rresht.
