Ministrja e Shëndetësisë, Ogerta Manastirliu, ka zbuluar faturën që i ka kushtuar qeverisë situata me pandeminë. E ftuar në emisionin ‘’Real Story’’ në News24, ajo tha se deri më tani qeverisë i ka kushtuar nga buxheti i saj, 25 milionë euro. Kjo është fatura e luftës kundër koronavirusit.
Ministrja sqaroi më tej se kjo nuk është shifra përfundimtare, pasi aktualisht po bëhen investime dhe shtesa, si dhe do të ketë edhe një rishikim buxheti sërish.
“Aktualisht rezultatet apo faturat financiare, shtesa dhe buxheti i 2.5 miliardë lekë apo 25 milionë euro. Është në përditësim e sipër, pra në plotësim sa i përket investimeve, furnizimeve, por do vijojmë dhe me mbështetjen e BE si dhe me partnerët që bashkohen për të vijuar dhe luftuar koronavirusin. Ditët në vijim do të ketë dhe një rishikim të buxhetit.
Duhet të kuptojmë diçka që vaksina do të zbulohet, ka një politikë ndërkombëtare sa i përket vaksinimeve. Qeveria shqiptare do jetë e angazhuar për të mbështetur vaksinën dhe patjetër do jetë në programin e vaksinimit”, tha Manastirliu.
