Moderatoren sportive, Ilda Bejleri nuk do ta shohim më në ekranin e “Supersport”. Sipas “Bordo.al”, ajo do të zëvendësohet nga ish-futbollisti dhe gazetari Glendi Tafaj.
Drejtuesit e Supersport kanë menduar që “Zona Gol” të moderohet nga Glendi, duke bërë të mundur që gjithë informacionin si futbollist dhe gazetar profesionist t’ia përçojë publikut nga studioja e emisionit dhe jo më nga terreni.
Kujtojmë që komentatori i ndeshjeve, Dritan Shakohoxha, në një intervistë dhënë për “Pushime on Top” ka komentuar lajmet që qarkullonin në mediat sociale, ku aludohej se motiv i largimit të Ildës ka qenë sherri me Shakohoxhën.
Lidhur me këtë, komentatori u shpreh se ka qenë ai i pari që e ka punësuar Ilda Bejlerin në televizion bashkë me djemtë e stafit, dhe ishte po ai që i dha lajmin e largimit nga puna moderatores.
Denonco ne TT