Deputeti i parlamentit gjerman Andreas Schockenhoff ka nxjerrë në dritë dokumentin që kancelarja Merkel i ka hedhur mbi tavolinë ish-kryeministrit Aleksandër Vuçiç në normalizimin e marrëdhënieve me Serbinë. Sipas deputetit të CDU-së, Schockenhoff ky material iu bë të ditur të dyja palëve përpara 5 viteve, në të cilën parashikohej një marrëveshje ligjore dhe detyruese për normalizimin e marrëdhënieve midis Kosovës dhe Serbisë.
Në atë kohë, anëtarët e Bashkimit Demokratik Kristiandemokrat (CDU) të koalicionit qeverisës, paraqitën kushtet e Procesit të Berlinit, që lidheshin direkt me përparimin e Serbisë në rrugën drejt BE-së. Ndërsa kjo hyri në kuadrin negociues të BE-së kundrejt Serbisë, kuadër i cili u miratua në janar 2014 përpara e fillimit zyrtar të negociatave për anëtarësim.
“Gjatë një vizite në Beograd më 13 shtator 2012, deputeti i CDU-së, Andreas Schockenhoff përmendi një marrëveshje që ishte e detyrueshme ligjërisht për normalizimin e marrëdhënieve midis Beogradit dhe Prishtinës, si një nga shtatë kushtet e vendosura nga grupi parlamentar i Bundestagut, duke treguar qartë pozicionin zyrtar të Gjermanisë”, shkruan B92.
Schockenhoff u shpreh në atë kohë se ai do të këmbëngulte që marrëveshja Beograd-Prishtinë të bëhej me shkrim dhe që deri në fund të procesit të pranimit në BE, të gjitha detajet e asaj marrëveshje të zbatoheshin plotësisht.
“Ky bashkëpunëtor i ngushtë i kancelares Angela Merkel tha se kërkesat që ai paraqiti në një konferencë shtypi nuk ishin të reja dhe se bashkëbiseduesit e tij në Beograd nuk u befasuan. Gjatë asaj kohe ai bisedoi me Aleksandar Vuçiç, zëvendëskryeministër në atë kohë, ministrin e jashtëm Ivan Mrkiç dhe kryetarin e parlamentit serb Nebojsha Stefanoviç”
Dokumenti që detyronte ligjërisht normalizimin e marrëdhënieve midis Beogradit dhe Prishtinës, si dhe kushtëzonte anëtarësimin e Serbisë në BE, u miratua më 9 janar të vitit 2014 dhe u paraqit në konferencën e parë ndërqeveritare më 21 janar, kur Serbia zyrtarisht filloi negociatat me BE. Ndërsa thuhet se “procesi i normalizimit të marrëdhënieve me Kosovën do të jetë i një rëndësie të veçantë për Serbinë.”
“Ky proces do të sigurojë që të dyja palët që të mund të vazhdojnë rrugën e tyre evropiane, duke shmangur bllokimin e njëri-tjetrit. Dhe gradualisht pas përfundimit të negociatave për anëtarësim në BE të Serbisë, do të çojë në një normalizim gjithëpërfshirës të marrëdhënieve mes Serbisë dhe Kosovës. Marrëëveshja është e formës së detyrueshme ligjore e cila ka për qëllim që të dyja palët të jenë në gjendje të ushtrojnë plotësisht të drejtat e tyre dhe të përmbushin detyrimet e tyre”, thuhet në nenin 12 të këtij dokumenti.
Ndërkaq një ditë më parë presidenti serb Aleksandër Vuçiç tha se Serbia nuk do të jetë në gjendje të bëhet anëtare e BE-së pa pasur një dokument detyrues ligjor me Kosovën. Kjo lë të kuptohet edhe vetë deklaratën e Vuçic se Serbia duhet të njohë Kosoën nëse do që të anëtarësohet në Bashkimin Evropian.
TIRANA TODAY
