Fjolla Morina dhe Fisnik Syla do martohen, ndaj përgatitjet për dasmën kanë nisur që tani. Telegrafi.com ka mësuar se ata do të kurorëzojnë dashurinë e tyre me martesë, në fillim të muajit dhjetor.
Çifti kanë menduar organizimin e dasmës së tyre në Shqipëri, ku Fjolla aktualisht vuan dënimin e masës “arrest shtëpie” në Kukës. Ceremonia do të jetë private dhe jo me shumë persona të ftuar.
Disa ditë më parë, përfundoi hetimi për këngëtaren, teksa dosja për të do të kalojë në gjykim pas mbledhjes të së gjitha provave. Ndërsa sa i përket dy personave të tjerë që ndodheshin në makinë me të, bisnesmenit Fisnik Syla dhe shoferit Fitim Muji, Prokuroria ka vendosur që të pushojë çështjen, pasi nuk ka gjetur vepër penale të kryer nga ta.
Këngëtarja u arrestua më 18 shtator në pikën kufitare të Morinës, pasi u kap me dy armë me vete.
